قماش الكريب السعودي والروزالين والأنجليكا أنواع القماش.
أنواع الأقمشة الكريب المختلفة الكريب برادا والكريب موناليزا والكريب السويسري وغيره، وما يمكنك اختياره في تصميم وتفصيل ملابسك وأهم النقاط المتبعة في اختيار القماش نفسه.
أنا د.علا صيدلانية أقدم لك هنا في مدينتي كل ما يخص القماش والتصميم واختيار القماش المناسب لك.
تفاصيل سريعة عن أنواع القماش المنتشرة:
أنواع الكريب:
1. كريب زرار والكريب السعودي:
نوع من الكريب فخم وتقيل ويعطي استايل وتنفيذ مميز للقطعة مثل العباءة الخليجي أو الفساتين والبلوزات والبليزرات.
ملمسه طري ومريح جدآ في الحركة.
سعره غالي عن الكريب البوليستر لان في نسبة حرير مع قطن.
الكريب الإماراتي غالبا يكون لون اسود فقط، ليناسب تصميم العباءة الخليجي.
وهو مميز جدا في العباءة وأفضل نوع قماش في تفصيل وتصميم العباءة السعودي.
2. كريب برادا :
كريب تقيل ومناسب وغالي جدا.
يدخل في البدل والسوت وايضا الملابس الفورمال.
ألوانه قليلة الأسود والبني والبيج.
3. قماش الكريب اسكوبا:
ناعم وانسيابي.
ويعطي حركة ومرونة في التصميم نفسه.
اختاري أنواع تقيلة منه.
4. كريب سويسرى وكريب تركي :
خامه كريب ناعمه تعطي أحساس بالبرودة ف الصيف، وتناسب الفساتين والبلوزات.
5. الكريب السويسري أو التركي ناعم ورقيق.
فساتين وبلوزات.
6. كريب زارا أو كريب موناليزا.
كريب زارا هو كريب منقوش، للفساتين والبلوزات المشجرة مناسب جدا مع الصيف.
7. قماش الكريب الرويال وموس كريب واسكوبا:
قريبن جدا من بعض بس الكريب رويال أخف،
قماش الموس كريب زي الشيفون ولكن ليس شفاف وتقيل نسبيا. ألوانه ساده منقوش ،كل الألوان ،مميز للفساتين والبلوزات.
قماش الهامر المصري والسوري:
_الهامر المصري والهامر السوري موجود منه كل الالوان، احلى لونين الزيتي والبيج وممكن النبيتي .
الهامر السوري أحلى من المصري.
قماش الهامر النوع ده من القماش بيحرر.
غير مقبول لدى الكثيرين.
قماش الفبران القطني:
مميز بنعومتة وطراوة القماش.
يصنع منه العبايات والبلوزات والقمصان الرجالي والحريمي.
قماش الجينز:
متاح من الجينز كحلي ولبني وسماوي وأزرق وأسود ومنه ساده ومنقوش ومطرز.
الجينز أنواع كل نوع ليه سعر حسب هو تقيل ولا خفيف. أفضل انواع الجينز الخفيف بيديكي نفس الاستايل خاصة لو فيه كرانيش أو كسر أو كلوش.
لكن فكرة الاستدامة للبناطيل اختاري الجينز التقيل.
نصائح قبل شراء البناطيل الجينز.
الجينز حلو جدا في اللبس خاصة في استايل الجلباب السوري والتركي.
قماش السوفت:
قماش ناعم ومريح.
في نسبة ليكرا عالية وممكن تفصلي منه كل القصات لانه انسيابي وسهل التعامل معاه.
قماش الفسكوز البيور المعالج:
الفسكوز قماش طبيعي وصناعي، قماشه طرية وناعمة وبتمتص العرق.
وتسمح بالتهوية.
هتلاقيها في الفساتين واسدال الصلاة وممكن عباية او بلوزة مريحة للصيف.
قماش الشيفون:
خفيف ومحتاج لبطانه لانه شفاف.
_الشيفون ، منها جميع الالوان السادة والمنقوش، القماشة بتحتاج لعامل مساعد مينفعش تلبسيها لوحدها لازم تحتها بطانة فلو فستان تحته بطانة كله.
قماش الليجن:
منه سادة ومنقوش النوع ده من القماش بيلزق عالجسم.
ممكن تفصلي منه جيب او بليرز مع مراعاة الوسع ومقاسات أكبر من مقاسك بقليل.
قماش الجبردين:
الجبردين منه ساده فقط وألوان محدوده.
النوع ده ناشف يعني تعملي منه جلباب صك أو جيبة صك بنطلون جاكت غير كده لأ.
قماش الليكرا:
قماش ساده فقط وكل الألوان.
هو زي الجبردين بالضبط لكن بيمط مطة خفيفة كده ، حلو في الجلباب التركي والسوري.
مراعاة في الغسيل ولا يكوي.
قماش السي واي :
قماش السي واي سواء ساده أو مطرز أو مطبوع خامه طرية و شيك في اللبس، وقيمه وبسعر معقول
الستان ألتامودا:
الستان التامودا، ستان تقيل للفساتين السورايه السمبل.
وفساتين الزفاف.
سعره متوسط مقابل اقمشة السورايه الأخرى.
ستان أرماني:
خامه ناعمه وحرير كدا في نفسها تنفع بلوزه أو جيب او فستان كاجوال.
مشجر وده الرقى نفسه
تلبسيه عادي تلبسيه في مناسبه.
قماشة البطانة :
قماش سوفت منها كل الألوان، ساده بجبيها كبطانة تحت اللبس الخفيف أو الشفاف زي الشيفون.
قماش الروزالين :
.webp "أفضل قماش الروزالين والسوفت والكريب السويسري والأنجليكا")
قماش الروزالين الساده والمنقوش والكنار.
قماش حلو جدا وواقفه تنفع لو عاوزه استايل الفستان واقف أو جيبه صك أو بليرز .
قماش الكتان أسبانى أو تركي :
قماش الكتان هو الافضل لمقاومة الحرارة المرتفعه عشان كدا هو مناسب جدا في الصيف وبيدي شكل حلو للموديل.
قماش SPH اس بي أتش:
قماش اس بى أتش سواء ساده أو مشجر القماشه جديده مؤخرا، لكنها خامه كدا تحفه في الصيف خفيفه مريحه جدا منها الساده والمنقوش.
قماش فوريو :
قماشه خفيفه ومريحه تتعمل بلوزه كارديجان عبايه مفتوحه.
قماش الفوريو سعره مقبول ومميز في الصيف.
قماش أنجليكا :
قماش الانجليكا خامه عاليه وقيمه جدا للناس اللي بتحب القماش الناعم تقدري تفصلي منها كل حاجه بنطلون بلوزه عبايه دريس كارديجان.
وهي مزيج من القطن والكتان والبوليستر.